मनहरी । पश्चिम मकवानपुरको मनहरीमा खेलकुद तथा व्यापार महोत्सव हुने भएको छ ।
यही फागुन २१ गतेदेखि चैत्र ४ गतेसम्म मनहरी -८ सिमपानी स्थित फुटबल खेल मैदानमा खेलकुद तथा व्यापार महोत्सव हुने जनाएको छ ।
बिहीबार मनहरी -३ लामिटारमा पत्रकार सम्मेलनको आयोजना गरि सो बारे जानकारी दिएको छ ।
खेलकुद बिकास समिती मनहरीको आयोजनामा हुने महोत्सवमा गाउँपालिकाको -७ र ८ नम्बर वडाको खेल मैदानहरूमा फुटबल, भलिबल, क्रिकेट, ब्याड्मिन्टन, र एथ्लेटिक्स प्रतियोगिताहरू सञ्चालन हुनेछन्।
खेलकुद विकास समिति मनहरीका अध्यक्ष विरु लामाका अनुसार, फुटबल, क्रिकेट, र एथ्लेटिक्स क्षेत्रीय रंगशालामा, भलिबल गणेशधारा खेल मैदानमा, र ब्याड्मिन्टन रमनटार कभर्डहलमा सञ्चालन हुनेछ।
विभिन्न खेलका विजेता र उपविजेताहरूलाई नगद पुरस्कार, ट्रफी, र प्रमाणपत्र प्रदान गरिने आज पत्रकार सम्मेलन गरी जानकारी दिएका छन्।
महोत्सवको उद्देश्य स्थानीय खेलाडीहरूको पहिचान, पालिकाको प्रवर्द्धन, र खेल तथा मनोरञ्जनलाई एकसाथ अघि बढाउनु हो।
महोत्सवमा २०० स्टलहरू रहनेछन्, र राष्ट्रिय तथा स्थानीय कलाकारहरूको प्रस्तुति समेत हुनेछ।
आयोजकहरूले एक लाख दर्शकको सहभागिता र करिब ५ करोड रुपैयाँको कारोबार हुने अपेक्षा गरेका छन्। महोत्सवबाट बचेको रकम खेलकुद क्षेत्रको विकासमा प्रयोग गरिने लामाले जानकारी दिए।।
