मनहरी ।शनिबार दिउसो परेको चट्याङ लागेर मनहरी गाउँपालिका–६ रुपाचुरीका तीन जना घाइते भएका छन्।
दिउँसो करिब २ बजे हावाहुरी सहित पानी परिरहेको समयमा स्थानीय ३८ वर्षीय मंगल मुक्तान घरमा बसिरहेका समयमा चट्याङ लाग्दा घाइते भएका हुन्।
उनको छातीमा भित्री चोट लागेको छ भने मुखबाट रगत बगेको जिल्ला प्रहरी कार्यालय मकवानपुरले जनाएको छ।
त्यसै गरि मुक्तानकि २७ वर्षीया बहिनी कालिमान बल र १८ वर्षीय छोरा कल्सान मुक्तान समेत गरि ३ जना घाईते भएको हो ।
घाइतेहरुलाई चितवन स्थित भरतपुर सरकारी अस्पतालमा उपचार गरिरहेको प्रहरीले बताएको छ।
प्रहरी टोली घटनास्थलमा पुगेर थप अनुसन्धान गरिरहेको छ।
