मनहरी । पश्चिम मकवानपुरको मनहरी गाउँपालिका वडा नं.–२ भुन्द्रुङ टाँडीमा सञ्चालन भएको एक दिने निशुल्क आँखा शिविरमा २ सय ३० जनाले सेवा लिएका छन ।
जस मध्ये २४ जनामा मोतिया बिन्दु देखिएका छन । मोतिया बिन्दुको समस्या भएकाहरुलाई मंगलबार वडा कार्यालय परिसरबाट यातायातको व्यवस्थापन गरि निशुल्क शल्यक्रियाको लागि हेटौडा सामुदायिक आँखा अस्पताल लगिने वडा अध्यक्ष राजकुमार पाख्रिनले जानकारी दिए ।
हेटौडा सामुदायिक आँखा अस्पतालको आायोजना र प्राविधिक सहयोगमा भएको शिविर मनहरी गाउँपालिकाको सहआयोजनामा भएको थियो । शिविर मनहरी गाउँपालिकाका उपाध्यक्ष सीता पुलामी मगरको प्रमुख आतिथ्यमा सम्पन्न भएको हो ।
साथै गाउँपालिकाका स्वास्थ्य शाखा प्रमुख रामचन्द्र दाहाल स्थानीय , स्वयम सेविका तथा स्थानीय समाजसेवीहरुको उपस्थीती रहेको थियो ।
शिविरमा मनहरी गाउँपालिकाको वडा नं.– १ , २ , ३ र ४का सेवाग्राहीहरुले सेवा लिएका थिए । शिविर वडा कार्यालय भुन्द्रुङ टाँडी परिसरमा बिहान १० बजे देखि ३ बजे सम्म सञ्चालन भएको थियो ।
